PANTUN MELAYU
Oleh: Eri Deka Gustiar, M.Kom
Kerakap di ateh batu
Anak kawai ditengah laman
ikan menekap dibalik batu
Iluk ku awai dengan tangan
Anak kawai ditengah laman
Sikipu padang sianit
Lah ku awai dengan tangan
Ikan masuk ku guo sempit
Sikipo padang sianit
Pucuk bento ateh pumatang
Ikan masuk ku guo sempit
Aye tubo acam kupadang
Pucuk bento ateh pumatang
Sikipo padang sianit
Aye tubo alam kupadang
Ikan munambung naek langit
Sikipo padang sianit
Temiluk dibatang dedap
Ikan munambung naek langit
Iluk ku gulung dengan asap
Timiluk di batang dedap
Sikipo ngelinggang laut
Lah kugulung dengan asap
Ikan menesam masuk laut
Sikipo ngalinggang laut
Nampaklah dari gudang garam
Ikan manesam masuk laut
Pukat bajalan siang malam.
Nampaklah dari gudang garam
Iluk masjid uhang talang lujung
Pukat bujalan siang malam
Ikan terbang bagai burung
Iluk masjid uhang talang lujung
Sudutnyo sembilan sisi
Ikan terbang munjadi burung
Turunlah getah sembilan lidi
Sudutnyo sembilan sisi
Tempurung burisi minyak
Turunlah getah sembilan lidi
Burung terbang mumakan ikan
Terbanglah ikan bulalang kinyak
Pumatang lentik bupacu kudo
Burung terbang mumbao minyak
Anak petik acam ka tibo
Pumatang lentik bupacu kudo
Uhang munebang di batang asai
Anak petik acam ka tibo
Burung tirebang pakai purisai
Uhang munebang di padang asai
Beri pumateh dengan kacubung
Burung tirebang pakai purisai
Bia ku baeh dengan gayung
Lurus bubalik batang kacubung
Tempat uhang bujalan kaki
Bia ku baeh dengan gayung
Idak ajal bupantang mati
Tempat uhang bujalan kaki
Sebelah kiri uhang munyemo
Idak ajal iyo di pantang mati
Maeh kito duduk busamo
Sebelah kiri tempat munyemo
Uhang bukudo duo seiring
Maeh kito duduk busamo
B’ku ka kato dengan burunding
Mu nagam di ulu padang
Nampak renah silang musim
Uhang bukudo dalam padi
Banyaklah agam pumisan sayang
Langkah tikincung dalam burunding
Akal nak mumbuang tubuh kami
Tibuang iyo batang jirami
Telun burasap di kayu aro
Situ jalan ku muaro labuh
Kalu nak mumbuang sibadan kami
Tunjukku sangkak ayam butelo
Anjung kuantau dengan jauh
Tunjuk ku aku kampung ngan sunyi
Ambik gantung beri butali
Beri butali dengan bigau
Sianit di ampaikan
Kalu untung balik kembali
Idak itu mati dirantau
Hujan dilangit mumbandikan
Umput kacang lilit-mulilit
Ngalbuk cundung ka muaro
Situ pisang sedang bujantung
Ku titip pesan agak sedikit
Pondok ngan buruk tulung dijago
Disitu kasih mulai bumulo
Jadi lubuk tepian hati
Sejak di situ hati ni sayang
Petisah kota di hulu
Pesisir bentang kualo
Anak kudo lari bulari
Bia bupisah kito dahulu
Ado untung busatu jugo
Iko nak nurut kato hati
Kupendung mumbeli kacang
Tempurung dalam jerami
Diampai iyo kain timbako
Adik kandung tingganlah sayang
Tinggan di kampung dengan rami
Plak bupagar dengan bungo
Turun ku sauh ngan panjang tali
Kapal bulabuh di muaro jambi
Penuh burisi sikacang panjang
Bujalan jauh sikali ini
Belum tentu bubalik agi
Mak sah badan tibuang
Nak ile kurawang muntak
Singgah burenti di mukai tinggi
Di situ jalan kurenah sako
Pueh mungambik punano awak
Idak jugo dapat kendak hati
Disitu mulo hatiku ibo
Tengah ahi puko duo belih
Anak unko terejun mandi
Burayun buganti-ganti
Sangkak dibeli burung kulepeh
Mabukku mano ku bao pegi
Berilah racun bia kumati
Kupadang muaro labuh
Ku tigo alam kurinci
Disitu uhang buladang tebu
Parak siang embun bulabuh
Bulan batuka ngan mato ahi
Itu jejak hatiku pilu
Ratap Perantau 1
Mundaki kurenah sako
Pelak digahu anak simpai
Tebu sibatang ditebang uhang
Ado angin mao burito
buah masak dimakan tupai
rindu dendamku tanggung suhang
Kalu ado sikayu pacat
Iluk dipakai sengkang pintu
Butitin batang kelapo
Kalu ado kapal nak mundarat
Biar pudati diasak dulu
Tando pudati idak buguno
Nak nempuh kutanjung rawang
Pudati bujajar ditepi jalan
Keruhlah ayi dari ulu
Sejinak padang cirakarau
Bilo nempuh kapal terbang
Ambik api baka kumenyan
Imbaulah ruh uhang dulu-dulu
Do’akan kami anak rantau
Kalu nak tau sinasip padi
Kimaklah padi diujung tanjung
Padibah bah mulitap
Bah mulintap banyak ampo
Kalu nak tau nasibnyo kami
Kimak sampah anyut tirapung
kiun kemai dibao riak
banyak ngan idak pado ngan ado
Bukan sirih simbarang sirih
Sirih udang ba daun kunin
Nyo manjat diateh mayan
Nyo malingka babuku-buku
??????
Bajuntai balik-bubalik
Bukan sedih sembarang sedih
Sedihku ayam biring kunin
Batelu ditapak tangan
Muneteh diujung kuku
Barusik dilaman panjang
Petang ahi lainnyo balik
Cikemak lingka-bulingka
Batangnyo digigit tupai
Diengkuh muko buliku
Ayam jinak tikejut lia
Musang mano dingan mungintai
Suruh basuo dengan aku (26- Mei-2008)
Utan mulingka didalam seruak
Umput sekejut dililit bento
jangan berlari ateh pumatang
Ayam lia tekejut jinak
Jangan dikejut jangan digeho
Jangan dicuen dengan satang
Baumo talang kupayang
Sulak mukai buaye kruh
Nampak budak munangguk udang
Kalu dicuin dengan satang
Sampai nian terbang sajauh
Idak agi balik kulakang
Nasehat
Pulang kapal dari Jedah
Penuh berisi jamaah haji
Turun balabuh di Ranah Minang
Jalan terus di Parapat
Iluk-iluk iko mulangkah
Metik bungo dipagar duri
Luko tangan cepatnyo senang
Luko hati tiado dapat diobat
Ka balai manjinjing aka
Manaik jalan ka pintu
Aka pinang jilo-manjilo
Kalau pandai bermain akal
Hal ghaib tersimpan di dalam itu
Yang tenang bisa jadi gilo
Sungai asam buladang tebu
Nampak renah uhang Kayu Aro
Oto putih nambang ku sulak
Kalu badan kurang tau
Janganlah segan tuik batanyo
Jangan basedih jangan manulak
Sungai redap pasang pulito
Tampak nan dari renah sako
Kudo bulari di dusun mukai
Banyak ngan idak pado ngan ado
Jangan ka glanggang bagai rajo
Mano negeri umbuh selesai
Puncak masjid puncak munaro
Katigo puncak balai-balai
Tiang bauki ulek katadu
Biar anak khatib, biar anak buya
Idak balaja mano pandai
Dak ndak batuik mano tau
Baburu sungai malanca
Ruso tajerat patah kaki
Awak guru kurang balaja
Mbukhnyo murit tau sendiri
Snak uhang buto pangilo jalan
Linat-linat sidaun enau
Terasih diplak uhang
Ambik senduk pangicuk nasi
Nyo tikapak di tempayan
Inilah nasib anak purantau
Numpang kasih dusanak uhang
?????
Induklah mati bapak lah ilang
Sungai redap sungai tembang
Jalan terus diku renah sako
Disitu ado plak kacang
Ujan lebat payung lah tikembang
Untung kumalang nyo basah jugo
Itu nasib sianak dagang
Suhang idak ado dengan sayang
Idak kuniat menebang bauh
Sebatang idak ado bumanjang
Uhang banyak jadikan kandang
Bukan kuniat nak pgi jauh
Suhang idak ado munahan
Suhang ida ado ngan sayang
Tubuh hino badan cilako
Rupo idak, muskin pulo
Ambik guntung beri butali
Beri butali sidengan bigau
Kalau lah untung aku balik lagi
Idak itu hilang dirantau
Anak udang butali bigau
Sianit dirampaikan
Anak dagang mati dirantau
Hujan dilangit memandikan
Ramilah balai uhang sungai tanduk
Tempat uhang membeli ikan
kami umpamo buah mabuk
banyak burung ngan milih makan
Uhang hiang bakudo putih
Siko kudo ngan mutuh tali
Sedang sayang becerai kasih
Pado kuidut mbuh kumati
Nak mandi ku muaro sako
Elang munarab di ulu bento
Idak jadi kito baduo
Tulang muratap di dalam kubo
Elang munarap di ulu bento
Dapat ikan duo buganding
Tulang muratap dalam kubo
Arwah mulihat iko busanding
Nak ili mukai pintu
Jalan terus sungai langkap
Kalu adik munahan rindu
Kirim pesan jadi pungubat
SASTRA LISAN
Oleh: Elpriadi
16-Juni 2008
…………………………………..
Puyuh bulari ateh papan
Iluk dijirat dengan sembilu
Guruh bae singar’gun
Awan idak munjadi ujan
Bumi ngan langit munanggung malu
Apo direbut kau ni inti
Lah babungo kau ni pandan
Apo direbut kau ni hati
Ado punano diambik uhang
Kain sarung dua buragi
Bao bujalan munumpat b’nda
Kami tilansung iko dak jadi
Anak kampang kurang aja
Munaki di bukit pendung
Nampak bului simpang tigo
Jangan dicaci kami ni datung
Kami malang kayo malang jugo
Idak mandi idaklah idak
Idak ayi mulampau tebin
Idak ubuh siumpun mayan
Idak jadi idaklah idak
Idak kami muraso sedih
Asal lah adik muraso senang
Simpang empat jalanku padang
Simpang limo jalanku jambi
Idak dapat burung tirebang
Bia kurebut burung butali
Tujuh-tujuh taman digunung
Taman anak sibidodari
Tujuh lapih kain munindung
Nampak jugo sikendak hati
Sirih kunin dilingkung teluk
Pgi kuimbo mumikat balam
Hati mngih bulih dibujuk
Hati ibo makan didalam
Kalu nak tau nasip jerami
Jerami lapuk dibawah pauh
Pauh tinggi nyo patah dahan
Dahan munimpo bungo putih
Jangan dituhut siuntung kami
Untung kami tibuang jauh
Numpang nunggu umah tinggan
Tiang guyeh atapnyo tirih
Idak mandi dipelapahnyo
Tutu atap bia dak mandi
N’gak jirat uhang sirujung
Idak jadi ateh dunio
Di akhirat bia dak jadi
Pesan kupado anak cucung
Bia ku tebang sibatang dedap
Batangnyo duri buduri
Duri nyo jatuh dalam buluka
Usah diberi kato harap
Kalu nak ngalih kulain hati
…………………………………..
Pantun Daerah Kerinci, Jambi
Posting: 10 Maret 2012
Tidak ada komentar:
Posting Komentar